Bergarakoartxiboa.eus

Udal Fondoa

11872 onomastiko |  1158 toponimiko

Datak: 0 - 1960.
Izenburua: Udal Fondoa
Maila: Funtsa

Sailkapena: 01.01

Aurkezpena: 1268an herria sortu zenetik 1924 arte Bergarako Udalak bere funtzioetan sortu edo jasotako dokumentazioa.
Antolaketa: Azpifondo historikoa antolatzeko Serapio Múgicak egindako sailkapen koadroa erabili da. Koadro hori, batez ere gaikako-funtzionala, Euskal Herri osoan erabili izan da 1924 arte, 1924ko Udal Estatutua izan zen Toki Administrazioan inflexio puntua.
Historia administraboa: Bergarako herria Alfontso X. Jakintsuak sortu zuen Gasteizko Foruan oinarriturik, 1268ko uztailaren 30ean emaniko pribilegio bidez. XIV. mendean zehar Oxirondo eta Uzarragako elizateetako bizilagunak herriko bizilaguntzat hartu ziren.
1629an, Uzarragako Elizateak Bergarako herritik banandu eta hiribildu-forua lortu zuen; Oxirondoko elizateak 1630en bereizteko egin zuen saiakerak ez zuen arrakastarik izan.
Bergaran, gainera, eragin zuzena izan zuten Konbentzio Gerrak, Independentziaren Gerrak eta bi Gerrate Karlistek.

Kontserbazioa: 1500/10/10ean egin zen inbentarioan San Pedro parrokian zegoen artxiboa. 1689an bi lekutan banatuta zituen Kontzejuak artxiboak: San Pedron eta Udaletxearen etxeetan.
Badakigu 1849ko abenduan herriko artxiboa San Pedron zegoela. 1855eko ekainaren 14ko erabaki bidez, San Pedron zeuden artxiboko paperak eta eskribauen etxeetako gainerako agiriak Udaletxearen alboko eraikinera eramatea erabaki zen. 1857an artxiboa berriro San Pedrora eraman zen. Lokalaren egoera txarra ikusita, ospitale zaharrera eraman zen artxiboa 1859an. 1867an Zaharren etxera eraman zen, ospitale zaharra bota egin behar baitzen. 1981ean Epaitegiko eraikineko beheko solairuan zegoen artxiboa eta Errekalde jauregira eraman zen. Ospitaleko dokumentazioa ere iritsi zen hara. Udaletxeko ganbaran ere bazegoen, itxuraz, dokumentazioren bat, baina 1985ean bota egin zuten. 1989an Errekalde jauregian zegoen artean Udal Artxiboa; udaletxea zaharberritzeko hustu zenean, beheko solairuko gela batean eta bulegoetan gordetako dokumentazioa artxibora bidali zen. Azkenik, 1995ean Udaletxeko eranskin berrian kokatu zen artxibo zerbitzua.

Eskuragarritasuna: Baimena dago indarrean dagoen legeriak mugaturiko kasuetan izan ezik.
Deskribapen tresnak: Une honetan daudenak: inbentario bat eta dokumentu jakin batzuen hustuketak, artxibo honetan kontsultagarri daudenak:


Sei liburutako agirien hustuketak, Angel Agirrek 1971 eta 1972an eginak.


Auzi-liburuaren hustuketa (signatura: L/297) 1982an egina.


Bergarako Udal Artxiboaren Aurkibidea, 1500 urtera artekoa.


Akta-liburu, Kontzejuko erregistro, Batzar Nagusietako Erregistro eta auzi-liburuen hustuketak.

Kontsulta eskuragarri BADATOR datu basean : http://www.snae.org/badator.es.php

Azpifuntsak