Bergarakoartxiboa.eus

Eskribautzak

0 onomastiko |  0 toponimiko

Datak: 1512 - 1871.
Izenburua: Eskribautzak
Maila: Funtsa

Sailkapena: 05
Bolumena: 312 kaxa

Aurkezpena: Ez da funtsa zentzu hertsian, Bergarako Udal Artxiboan
Eskribautza
izenpean jasotako dokumentu-multzoa baizik. Eibarko, Mutrikuko eta Soraluzeko eskribauek beren eskribautzetan sortutako dokumentuak jasotzen dira; izan ere, fede emateko funtzioa zuten Erregimen Zaharrean:
-fede emate judiziala; Alkatea lehen auzialdiko epaile arrunta zen.
-fede emate notariala; protokoloak eta eskriturak.
Antolaketa: Hasteko, herri bakoitzeko dokumentuak bereizi dira: Eibarkoak, Mutrikukoak eta Soraluzekoak. Hurrengo mailan, Serapio Mugikaren sailkapen-koadroa erabili da antolaketarako. Auziak hiru taldetan sailkatu dira: zibilak, kriminalak eta betearazleak
Historia administraboa: Eskribauen funtzioa fede judiziala nahiz estrajudiziala ematea zen; hau da, auzietan eta eskritura publikoetan.
Legedia:

Joana andrearen Errege Pribilegioa, 1513ko abuztuaren 13koa, probintzia honetako herriei eta lekuei ofizio edo eskribautza hutsak aurkezteko eskubidea aitortzen diena.

Eskribautza-kopurua murrizteko plana, 1747an Zumaiako Batzar Nagusian aurkeztua eta 1748ko Errege Aginduak berretsia.

Eskribautza-kopurua murrizteko plana, 1829an Tolosako Batzar Nagusian aurkeztua eta Gaztelako Kontseiluaren 1831ko abenduaren 17ko Errege Aginduak berretsia.

1862ko maiatzaren 28ko Notariotzaren Lege Organikoa, eskribauen fede emateko funtzio estrajudiziala eta judiziala bereizten dituena.

Kontserbazioa: Dokumentu horiek Bergarako Udal Artxiboan jaso dira zehaztu gabeko datatik,
Eskribautza
izenpean.
2005ean, Eusko Jaurlaritzarekin sinatutako hitzarmen bati esker, dokumentuen inbentarioa egin zen, herri bakoitzari zer dokumentu zegozkion zehazteko eta bakoitzari bereak itzultzeko.
Ondoren, hitzarmena sinatu zen udal horietako bakoitzarekin, beraiei zegozkien dokumentuak itzultzeko. Mutrikuko eta Soraluzeko udal artxiboetara beraien dokumentuak eraman ziren. Eibarko Udalak, berriz, dokumentu horiek Bergarako Udal Artxiboan jasotzen jarraitzeko eskatu du, bere udal artxiboan behar bezalako baldintzarik ez dagoen bitartean.

Eskuragarritasuna: Eibarko Udalaren dokumentuak Bergarako Udal Artxiboan kontsulta daitezke, Eibarko Udalari baimena eskatu ondoren [link]
Mutrikuko dokumentuak kontsultatzeko, Mutrikuko Udal Artxibora jo behar da [link]
Soraluzeko dokumentuak kontsultatzeko, Soraluzeko Udal Artxibora jo behar da [link].

Hizkuntza: Gaztelania
Deskribapen tresnak: Inbentarioa

Azpifuntsak