Bergarakoartxiboa.eus

FAQ

Non dago Artxiboa?
Udal Artxiboa udaletxeko eranskinean dago. Sarrera San Martin plazatik dauka. Informazio gehiago

Zein ordutegi dauka?
Astelehenetik ostiralera: 8:30-13:30 eta 14:30-17:00
Udaran (maiatzetik urrirarte): 8:30-15:00

Zer aurki dezaket bertan?
Batez ere, Udalak bere eginkizunetan sortu edo jasotako dokumentuak, Udala eta bizilagunen arteko harremanen testigu direnak.
Baina beste funtsa batzuk ere kontsulta daitezke, bai testualak (Errege Mintegia, UCEM Bergarako lantegia,Bergarako Kultur Ekintza, etab.) bai ikus-entzunezkoak (Juan Idigoras, Roman Larrañaga, etab.). Informazio gehiago

Zer betebehar dago Artxibora sartzeko?
Batere ez. Artxibora edozein herritar sar daiteke.

Zerbait ordaindu behar al da?
Ez da ezer ordaindu behar, dokumentuen kontsulta dohainik da.
Baina kopiak eskuratzeko Udalak onartutako tasak ordaindu beharko dira. Informazio gehiago

Dokumentuen kopiak egin al dira?
Bai, dokumentuen kopiak eskuratu daitezke. Informazio gehiago

Nola egin bilaketa bat Internet-etik?
Hiru aukera daude:

  • Bilaketa orokorra
    Bilaketa datu-base osoko erregistro guztietako testu eremuen gainean egiten da. Bilaketetan indize toponimiko eta onomastikoen sarrerak sartzen dira, baina kontutan hartu behar da fondo guztiek ez dutela informazioa hori.
  • Bilaketa aurreratua
    Parametro ezberdinen gainean egiten da bilaketa:
    Terminoa, sartutako hitza datubaseko edozein testu eremuan bilatuko da.
    Izena, bilaketa aurkibide onomastikoan egingo da
    Tokia, bilaketa aurkibide toponimikoan egingo da
    Urtea(k), urte zehatz bat (uuuu) edo urte bitartea (uuuu-uuuu) sar daiteke
    Digitalizatuta. Kontutan hartu dokumentazio zati oso txikia dagoela oraindik digitalizatuta eta on-line kontsultarako prest.
    Funtsa. Funtsa bat hautatu ezkero, sistemak sailkapen taulan maurgiltzen lagunduko dizu.
  • Bilaketa zehatza
    Erreferentzia zehatz bat aurkitzeko balio du, funtsa eta signatura jakinez gero

Zertarako erabiltzen dira Toponimia eta Onomastika?

  • Toponimia
    Aurkibide toponimikoa datu-basean toki izenak bilatzeko tresna bat da.
    Eguneroko lan jardunaren beharrei aurre egiteko indizazio geografikorako sistema jerarkiaduna sortu genuen. Etengabe hazten den datu-base batean gauzatu zen eta bertan toki izen guztiak kategoriaka sartzen ditugu. Maila diferenteak ezarri dira: estatuak, probintziak, herriak, auzoak, toponimo txikiak (eraikuntzak, iturriak, lursailak, errekak, etab.); eta elementu bakoitzaren izena agertu zaizkigun aldaera ortografiko zein historikoekin erregistratzen dugu.
    Funts guztiek ez dute informazioa hau. Hauetxek dira gaur egun aurkibide toponimikoak duten funtsak:
    - Udal fondoa (ez osorik)
    - Errege Mintegia
    - Parrokietako artxiboak
    - Eulate Yturbe familia
    Aukeratutako elementu bakoitzaren gainean klik eginda, toki izen horri lotutako dokumentuen zerrenda agertuko zaigu; baita ere goiko eta beheko mailetako elementuak.
    Bilatzen duzun toponimoa aurkibide honetan ez bada agertzen, erabil ezazu bilaketa aurreratuak eskaintzen dizun beste aukerak.
  • Onomastika
    Aurkibide onomastikoa Artxiboko dokumentuetan agertzen diren pertsona, entitate edo taldeen izenen erreferentziak bilatzeko tresna bat da. Ez dago aurkibiderik zerrenda eta erregistro espedienteetan (padroiak, kontribuzioak, etab.), baina bai pertsona edo entitateek zuzenean parte hartu duten espedienteetan (hauziak, eskaerak, etab.).
    Funts guztiek ez dute informazioa hau. Hauetxek dira gaur egun aurkibide onomastikoak duten funtsak:
    - Udal fondoa (ez osorik)
    - Errege Mintegia
    - Parrokietako artxiboak
    - Eulate Yturbe familia
    - UCEM, Bergarako lantegia
    - Eguren tailerra
    - Narvaiza e hijos, S.A.
    - Movilla, S.A. Batzutan, sarrera bakoitzeko oharrak edota informazioa osagarriak sartzen dira. Bilaketa errezteko izen eta abizenen aldaera ortografikoak erregistratzen dira.
    Bilatzen duzun izena aurkibide honetan ez bada agertzen, erabil ezazu bilaketa aurreratuak eskaintzen dizun beste aukerak.

Bergaran bizi izan zen pertsona bati buruzko informazio bila nabil, baina datu-baseak ez dit emaitzarik ematen. Nola bilatu?
Bilaketetan emaitzarik ez edukitzeak ez du esan nahi pertsona hori buruzko informaziorik ez dagoela. Bilaketaren estrategia aldatu beharko duzu, kontutan hartuta faktore ezberdinak:
- Abizenen aldaera ortografikoak. Erregistroen izenburuetan dokumentu horretan agertzen den grafiarekin jartzen dira pertsona izenak.
Arazo hau ekiditzeko aldaera ortografiko guztiak erabiltzen saiatu zaitez.
- Badaude serie batzuk (padroiak, soldaduzkako espedienteak, etab.) ez direla indizatu.
Bilaketa egiteruzkoan beste parametro batzuk erabili beharko dituzu: urte bitarteak, toponimoak, informazio hori eduki dezaketen serieak, etab. Erabil itzazu bilaketa aurreratuak eskaintzen dizkizun aukerak.

Bergarako baserri bati buruzko informazio bila nabil, baina datu-baseak ez dit emaitzarik ematen. Nola bilatu?
Bilaketetan emaitzarik ez edukitzeak ez du esan nahi etxe hori buruzko informaziorik ez dagoela. Bilaketaren estrategia aldatu beharko duzu, kontutan hartuta faktore ezberdinak:
- Toponimoen aldaera ortografikoak edota historikoak. Erregistroen izenburuetan dokumentu horretan agertzen den grafiarekin jartzen dira toki izenak.
Arazoa hau ekiditzeko aldaera ortografiko guztiak saiatu zaitez erabiltzen; eta elementu konkretuak bilatzeko aurkibide toponimikoa erabili.
- Badaude serie batzuk ez direla indizatu. Bilaketa egiteruzkoan beste parametro batzuk erabili beharko dituzu: urte bitarteak, pertsona izenak, informazio hori eduki dezaketen serieak, etab. Erabil itzazu bilaketa aurreratuak eskaintzen dizkizun aukerak.