Bergarakoartxiboa.eus

Argibideak

Funtsen organizazioa eta deskripzioa
Datu-basean gordetako funtsak ISAD(G) arauaren bidez antolatu eta deskribatuta daude, maila ezberdinetan izanda ere.
Nazioarteko Artxiboei buruzko Kontseilua ICA/CIA-ren web orrian ISAD(G) arauak gasteleraz eta beste hizkuntzetan eskura ditzakezu.

Sailkapenari dagokienez, funtsa bakoitza bere sailkapen taula propioa dauka. Funtsak sailean sailkapen taulan barruan murgiltzeko aukera dago.

Azpifuntsa historikoa antolatzeko Serapio Mugicak egindako sailkapen koadroa erabili da. Koadro hori, batez ere gaikako-funtzionala, Euskal Herri osoan erabili izan da 1924 arte.
Bergarako Artxiboan, Mugicak ezarritako sekzioei, bat gehitu diogu, "Documentación Municipal no clasificada" alegia. Lanerako tresna bezala sortu dugu, bertan dauden dokumentuen erreferentziak ez daude osatuta, ez da oraindik sailkapena ezarri eta agertzen den informazioa oso azalekoa da(normalean deskripzio orokorra eta datak, besterik ez dago). Hala ere datu-basean mantentzea erabaki dugu, dagoen informazioa, gutxi izanda ere, erabilgarria delakoan

Bilaketak
Asteriskoa erabil daiteke, komodin giza, hitzen bukaerako karaktere-kate bat ordezkatzeko.
Adibidez: Eche* sartuta, Echeverria, Echevarria, Echebarria, Echeberria jasoko genuke

Bilaketak egiteko aukerak hiru dira:

  • Bilaketa orokorra
    Bilaketa datu-base osoko erregistro guztietako testu eremuen gainean egiten da. Bilaketetan indize toponimiko eta onomastikoen sarrerak sartzen dira, baina kontutan hartu behar da fondo guztiek ez dutela informazioa hori.
  • Bilaketa aurreratua
    Parametro ezberdinen gainean egiten da bilaketa:
    Terminoa, sartutako hitza datubaseko edozein testu eremuan bilatuko da.
    Izena, bilaketa aurkibide onomastikoan egingo da
    Tokia, bilaketa aurkibide toponimikoan egingo da
    Urtea(k), urte zehatz bat (uuuu) edo urte bitartea (uuuu-uuuu) sar daiteke
    Digitalizatuta. Kontutan hartu dokumentazio zati oso txikia dagoela oraindik digitalizatuta eta on-line kontsultarako prest.
    Funtsa. Funtsa bat hautatu ezkero, sistemak sailkapen taulan murgiltzen lagunduko dizu.
  • Bilaketa zehatza
    Erreferentzia zehatz bat aurkitzeko balio du, funtsa eta signatura jakinez gero

Bilaketen emaitzak taula moduko zerrenda batean agertzen dira.

Bilaketen emaitzak ematen duen taularen goiburuaren adibidea

Taularen goiburuan agertzen den eremu baten gainean klik eginda aukeratutako eremutik ordenatu egingo dira.

Aurkibide toponimikoak eta onomastikoak

  • Toponimia
    Aurkibide toponimikoa datu-basean toki izenak bilatzeko tresna bat da.
    Eguneroko lan jardunaren beharrei aurre egiteko indizazio geografikorako sistema jerarkiaduna sortu genuen. Etengabe hazten den datu-base batean gauzatu zen eta bertan toki izen guztiak kategoriaka sartzen ditugu. Maila diferenteak ezarri dira: estatuak, probintziak, herriak, auzoak, toponimo txikiak (eraikuntzak, iturriak, lursailak, errekak, etab.); eta elementu bakoitzaren izena agertu zaizkigun aldaera ortografiko zein historikoekin erregistratzen dugu.
    Funts guztiek ez dute informazioa hau. Hauetxek dira gaur egun aurkibide toponimikoak duten funtsak:
    - Udal fondoa (ez osorik)
    - Errege Mintegia
    - Parrokietako artxiboak
    - Eulate Yturbe familia
    Aukeratutako elementu bakoitzaren gainean klik eginda, toki izen horri lotutako dokumentuen zerrenda agertuko zaigu; baita ere goiko eta beheko mailetako elementuak.
    Bilatzen duzun toponimoa aurkibide honetan ez bada agertzen, erabil ezazu bilaketa aurreratuak eskaintzen dizun beste aukerak.
  • Onomastika
    Aurkibide onomastikoa Artxiboko dokumentuetan agertzen diren pertsona, entitate edo taldeen izenen erreferentziak bilatzeko tresna bat da. Ez dago aurkibiderik zerrenda eta erregistro espedienteetan (padroiak, kontribuzioak, etab.), baina bai pertsona edo entitateek zuzenean parte hartu duten espedienteetan (hauziak, eskaerak, etab.).
    Funts guztiek ez dute informazioa hau. Hauetxek dira gaur egun aurkibide onomastikoak duten funtsak:
    - Udal fondoa (ez osorik)
    - Errege Mintegia
    - Parrokietako artxiboak
    - Eulate Yturbe familia
    - UCEM, Bergarako lantegia
    - Eguren tailerra
    - Narvaiza e hijos, S.A.
    - Movilla, S.A. Batzutan, sarrera bakoitzeko oharrak edota informazioa osagarriak sartzen dira. Bilaketa errezteko izen eta abizenen aldaera ortografikoak erregistratzen dira.
    Bilatzen duzun izena aurkibide honetan ez bada agertzen, erabil ezazu bilaketa aurreratuak eskaintzen dizun beste aukerak.