Bergarakoartxiboa.eus

Jarduerak

Udal Artxiboak, zerbitzuaren zabalpena suspertzeko helburuarekin, hezkuntza eta kultura ekintzak antolatzen ditu

Bisita gidatuak.
Artxiboko bisita gidatuak egiten dira. Gehienez, taldeko 10-12 pertsona hartzen dira. Aurrez, eskaera egin behar da Artxibora zuzenduta. Alde batetik, dokumentazio-ondarearen garrantzia ezagutaraztea nahi da eta bestetik artxibo zerbitzuak ondarea kontserbatzeko eta kudeatzeko egiten duen lana adieraztea da.

Erakusketak.
Udal artxiboak erakusketak antolatu ohi ditu eta antolatzen ditu. Helburuak, gordetzen ditugun agiriak ezagutaraztea eta zerbitzuaren hedapena dira. Orain arte hiru erakusketa antolatu ditugu:

  • Udaletxea historian zehar izeneko erakusketa 1995. urtean egin zen udaletxearen eraberritze eta handitze lanak bukatutakoan. Udalak historian zehar izandako eginkizunen bilakaera udaletxean nola gauzatu zen adieraztea izan zen helburua.
  • Bergara iruditan: azkenengo 40 urteko aldaketak izenekoa. Udal artxiboko argazkiekin 1999. urtean egin zen. Argazkiak lekukotza bezala erabiliz gure herrian egondako hirigintzako aldaketak erakutsi ziren.
  • Eustaquio Aguirreolea: pintore eta argazkilaria erakusketa 2000. urtean egin zen. Bergaran XX. mendeko hasierako argazkilariaren erakusketa izan zen.
  • San Martzialgo erromerixia argazki erakusketa, 2008ko ekainaren 13tik 29ra. Bergararrontzat hain esanguratsua den San Martzial eguneko jaiaren XX. mendeko argazkiak
    <em>San Martzialgo erromerixia</em> argazki erakusketa, 2008ko ekainaren 13tik 29ra Katalogoa jaitsi( pdf 5,44 Mb)
  • Don Serafinen Bergara, 1964-1992 argazki erakusketa, 2009ko azaroaren 13tik 29ra. Serafin Esnaola apaizak Bergarako egonaldian ateratako argazkiak
    <em>Don Serafinen Bergara</em> argazki erakusketa, 2009ko azaroaren 13tik 29ra Katalogoa jaitsi( pdf 1,60 Mb)
  • Txirrindulari-lasterketak "iruditan" argazki erakusketa, 2010eko azaroaren 26tik abenduaren 12ra. Toribio Jauregi "Altzeta"ren argazkiak.
    <em>Txirrindulari-lasterketak iruditan</em> Katalogoa jaitsi(pdf 2,35 Mb)
  • "Bergara 1936" gerrako argazki erakusketa, 2012an Aroztegi aretoan Udal Artxiboak eta Intxorta 1937 Kultur Elkarteak antolatuta.
    *Bergara 1936* Katalogoa jaitsi(pdf 3,07 Mb)
  • "Debagoieneko emakumea gerra zibilean eta frankismoan" argazki erakusketa, 2014ko martxoaren 7tik 23ra Aroztegi aretoan Udal Artxiboak antolatuta.
    *Debagoieneko emakumea gerra zibilean eta frankismoan* Katalogoa jaitsi(pdf 963 Kb)

Historiako hitzaldiak.
Artxiboak urtetan zehar (2002an hasita) historiako hitzaldiak antolatu ditu. Hilean behin egin izan dira. Herriko kulturako jarduera bat gehiago izateko asmoarekin hasi ginen. Historiako gaiak, modu erraz eta atsegin batean, azaltzea eta bidenabar, artxiboan gordetzen ditugun agiriekin dagoen lotura aditzera ematea nahi izan dugu.

Ikerketarako laguntzak.
Gure herriari buruz historiako ikerketak sustatzeko eta bultzatzeko asmoarekin 2007an hasi ginen ikerketarako laguntzak ematen. Horri buruz informazio gehiago nahi izanez gero idatzi Artxibora

Hezkuntza eta Artxiboa.
Azkeneko urtetan Bergarako ikastetxeekin lankidetzan aritu gara. Ondare, Historia eta Administrazio ikasgaietan artxiboak arlo edo gai zehatzetan parte hartuz.