Juan Madariaga Orbeak, Nafarroako Unibertsitate Publikoko historiako katedradun ohiak, Rafael de Garitano Aldaetak izan zuen liburutegiari buruzko ikerketa biltzen du liburu batean. Lanerako lehengaia Bergarako Udal Artxiboan bildutako materiala izan da.
 

Aroztegi aretoan 60 izeneko erakusketa dago ikusgai joan den ostiraletik.

1960ko hamarkadako Bergara nolakoa zen erakusten duten 65 argazkiren aukeraketa egin du Udal Artxiboak. Irudietan nabari da, besteak beste, zer-nolako aldaketak izan diren hirigintzan, nola bizi ziren garai hartan eta zelako garrantzia zuen Elizak. Urriaren 25era arte egongo da zabalik.

Argazki erakusketa, Udal Artxiboak antolatua, Aroztegi aretoan urriaren 9tik 25era.
 
Erakusketa honetan, 60ko hamarkadan gure herria irudikatu nahi izan dugu; garai hartako Bergarako herritarren egunerokotasuna azaldu. Hirurogeiko hamarkada, zentzu askotan, aldaketa garaia izan zen; eta argazki hauen bidez gizarte horren zertzelada bat eman nahi izan dugu.