Movilla S.A.

Identifikazio eremuaArea de identificación

Erreferentzia kodeaCódigo de refencia
BUA-AMB 0045941

IzenburuaTítulo
Movilla S.A.

Hasiera dataFecha inicial	Bukaera dataFecha final
1897	2003

Deskribapen mailaNivel de descripción	Signatura topografikoaSignatura topográfica	DigitalizatutaDigitalización
Funtsa		Ez

Titulartasuna Titularidad
Pribatua

Saikapena Clasificación
Movilla S.A.

Testuinguru eremuaArea de contexto

Ekoizlearen izena Productor
Movilla S.A.

Historia administratiboa Historia administrativa

Gregorio Fernández Alonso jaunaren ekimenez sortu zen enpresa 1897an. Gregorio Fernández jatorriz gasteiztarra bazen ere, XIX. mendeko laurogeiko hamarkadan jadanik Bergaran zegoen, tindatzeko lantegi bat baitzuen. 1897an, Valentón Movilla Fernández ilobarekin batera "Gregorio Fernández y Sobrino" sozietatea sortu zuen. Hasierako urteetan, propietate asko erosi zituzten (Caminpe lursaila 1899an, Aduorta lursaila eta bi finka 1902an, Lazpiur baserria 1905ean, eta Lazpiur errota 1907an), ur-aprobetxamenduak eskatu zituzten (Antzuola errekakoa eta Galartza errekastokoa 1902an, eta Sarriola, Garolecua, Chimillo eta Ansola errekastoetakoak 1904an; denak ere argindara sortzeko), eta berritze-lanak egin zituzten (1902an Bergarako Udalari baimena eskatu zion instalazioak handitzko, Kataluniako Juan Rubió Bellué jaunaren proiektuaren arabera; eta 1905ean, makinen eraikina egiteari ekin zioten, Candelario Amiano jaunak egindako obra-proiektuari jarraituz). Enpresak arrakasta zuenez eta kapital-beharrak astzeko bazkide berriak sartu behar zirenez, sozietateak aldaketak izan zituen bata bestearen atzetik (Sobrino de Fernández y Compañía 1916an, Manufacturas Fernández S. L. 1923an, Movilla, Fernández y Compañía 1931an). Behin betiko eraketa 1964an osatuko du, Movilla S. A. izenarekin. Eta izen berarekin iraungo du 2004. urtean itxi arte.

Zaintzaren historia Historia de la custodia
Fondoa Udal Artxiora ekartzeko, inbentario orokor bat egin zen eta instalazio-unitateei signaturak esleitu zitzaizkien.

Sarrera modua Forma de ingreso
Udalari egindako dohaintzaren bidez, 2005eko urtarrilaren 31ko udal erabakiaren arabera.

Edukiaren eta egituraren eremuaArea de contenido y estructura

Dokumentu mota Tipo de documento

Edukia Contenido

Kopuru aldetik begiratuta, Movilla fondoan gordetako dokumentazioak ez du islatzen sortze-garaian benetan izango zuen dimentsioa. Kronologikoki era uniformean banatuta egon arren, baditu informazio-hutsune batzuk ageri-agerian; ez dago kontabilitateko dokumentaziorik, ezta korrespondentzia komertzialik ere bezero eta hornitzaileekin, eta pertsonalari buruzko dokumentazioa ere oso urria da. Isilune hauen zergatia, ziur aski, 1954an lantegiak jasan zuen sutea izan daiteke eta baita, zalantzarik gabe, 1988ko uholdeek Deba arroan eragin zituzten kalteak ere, enpresa hau gogor jo baitzuten. Horretaz gain, gertuko urteetan sortutako dokumentazioari buruz, beste isilune bat ere badago, ezagutzen ez ditugun arrazoiengatik; izan ere, isilunea 1976tik hona handia da, baina 1992tik hona zeharokoa. Dokumentuen tipologiari dagokionean, fondoan hiru jarduera-erremu bereizi dira eta horien inguruan artikulatzen da. Kopurutsuena jarduera industrialetik bertatik eratorritako dokumentazioa da: eskuliburuak, makinak instalazteko eta mantentzeko gidak eta jarraibideak, ekoizpenaren erregistro-liburuak, marken erregistroen ziurtagiriak, ehunen erakusgaiak, eta tarifa-prezioakzehazteko foiletoak. Beste dokumentu-multzo garrantzizkoa gerentzia eta ondarearen administrazioari buruzkoa da. Bi dokumentu-tipok osatzen dute; Alde batetik eskriturak, hau da, eratzeko, ahalordetzeko eta, batez ere, ondasunak sal-ersoteko eskriturak. Eta beste aldetik, proiektuak, hau da, instalazioak eraikitzeko edo berritzeko proiektuak. Eta bereizitako hirugarren taldean, bakar-bakarrik, soldaten erregistro-liburuak sartu dira. Bukatzeko, badago beste dokumentu-multzo txiki bat, pertsonala kudeatzerakoan sortutakoa: pertsonalaren erregistro-liburuak, lan-araudiak, produktibitatearen ezterlanak, ziurtagiri eta parte medikoak, eta aurreikuspeneko entitateekin edo erakunde sindikalekin izandako korrespondentzia.

Sarrera berriak Nuevos ingresos
Izaera itxia duenez, ez da aurreikusi beste elementu batzuk eskuratzeko aukerarik.

AntolakuntzaOrganización

Fondoa aktibo zegoen garaiari dagokionean, ez da antzeman inolako antolaketa-zantzurik. Sailkapen-koadroa lau sekziotan egituratu da: - Zuzendaritza (Eraketa eta Gerentzia, Ondarea). - Jarduera industriala (Ekoizpena, Hornitzaileak, Bezeroak, Instituzioak eta Erankudeak). - Kontabilitatea (Orokorra, Lagungarria, Banketxeak, Nominak) - Pertsonala ( Plantila, Laneko Segurtasun eta Higienea, Lan Harremanak). Gaiaren eta antolaketaren aldetik duten koherentziagatik, honako serie hauek zehaztu dira: Makineria, Erakusgaiak eta Nominak.

Erabilera baldintzen eremuaArea de condiciones de acceso

Hizkuntza (k) Lengua (s)
Orokorrean gazteleraz dago. Dokumentu batzuk ingelesez, frantsesez eta alemanez.

Ezaugarri fisikoak Características físicas
Fondoaren kontserbazio egoera ona da.

Deskribapen tresnak Instrumentos de descripción
Inbentarioaren kontsulta eskuragarri dago Udal Artxiboan bertan edo Artxiboko web orrian (http://bergarakoartxiboa.eus).

Erlazionatutako dokumentazioaren eremuaArea de documentos relacionados

Iturri osagarriakFuentes complementarias

Iturri osagarriak artxiboan Fuentes complementarias en el archivo
Bergarako Udal artxiboa, Udal fondoa, signaturak: 01 C/023-01, 01 C/094-015, 01 C/094-16 y 01 C/094-17

Bibliografia Bibliografía
IBAÑEZ, M., A. Santana, M. Zabala. Casa, familia y trabajo en la historia de Bergara. Bergara 1994.