HEZKUNTZARAKO ETA HEDAPEN-JADUERAK
Bisita gidatuak >>
Udal artxiboak bisita gidatuak antolatzen ditu 10-12 laguneko taldeentzat. Ikasleei zuzendutako bisita gidatua bada, komeni da irakasleak aldez aurretik artxiboarekin harremanetan jartzea, edukia eta maila zehaztu ahal izateko. [Harremanetarako esteka]
Ondoren, eskaera egiten da. Oro har, dokumentu-ondarearen garrantzia azpimarratzen da, bai eta dokumentuak kontserbatzeko eta kudeatzeko artxiboaren lana ere.
Erakusketak >>
1995ean udaletxearen bilakaera historikoari eta birgaitzeari buruz egindako lehen erakusketatik aurrera, erakusketa ugari egin ditugu. Gure helburua gure dokumentu-ondarea ezagutaraztea da.
Argazkiak kalean
Udal artxiboan dauzkagun irudiak ezagutzera emateko eta herriko leku ezberdinak apaintzeko asmoarekin, argazki handiak ipini ditugu.
Argazkiak sare sozialetan
Udalaren Facebook erabiltzen dugu 15 egunez behin argazki bat zintzilikatzeko. Argazki hori dataren, gaiaren edo testuinguruaren arabera aukeratzen dugu.
Ikerketarako edo/eta argitaratzeko laguntzak
Gure herriari buruz historiako ikerketak sustatzeko eta bultzatzeko asmoarekin 2007an hasi ginen ikerketarako laguntzak ematen. Horri buruz informazio gehiago nahi izanez gero idatzi [kontaktua]
Historia hitzaldiak
Bergarako historiari buruzko hitzaldiak antolatzen ditugu. Historiako gaiak, modu erraz eta atsegin batean, azaltzea eta bidenabar, artxiboan gordetzen ditugun agiriekin dagoen lotura aditzera ematea nahi izan dugu.
Bergarako historiari buruzko artikuluak
Udal artxiboak sinatutako artikuluak, 2008ko urtarriletik 2009ko abendura bitartean argitaratutako Udal Aldizkarian. Artxiboko dokumentuak erabilita, herriko gai ezberdinak jorratu ziren.