Ongi etorri Industria-iraultza eta ehun lantegiak Bergaran ikasmaterialera!

Jendartearen hainbat alderditan aldaketak eragin zituen prozesuari deitzen diogu Industria-iraultza. XVIII. mendearen bukaeran eta XIX. mendearen hasieran Britainia Handian hasi zen, nekazari-gizarte batetik industrial gizarte batera pasatzea suposatu zuen, kapitalismoa eta burgesiaren boterea finkatu zituen eta proletalgoaren agerpena ekarri zuen. Aldaketa horiek, batez ere, ekonomikoak, sozialak eta demografikoak izan ziren, baina biztanleriaren balioetan eta pentsamoldean ere eragin zuzena izan zuten.

Industrializazioak suposatzen duen gizarte aldaketa gauzatu ahal izateko baldintza batzuk bete behar dira:

  1. Kapitala: dirua jarriko duten ugabazak, behar diren lehengaiak eta produzitzeko erabiliko diren baliabideen jabe direnak
  2. Produkzioa: makinaria eta teknologia erabiliz
  3. Langileak: bere lanaren truke soldata bat jasoko dutenak
  4. Merkatua: ekoiztutakoa erosiko dutenak

Gaur erabiliko dugun unitate didaktiko honetan Bergarako industrializazioaren berezitasunak ezagutuko ditugu. Gure herrian ehungintzak izandako garrantziari erreparatuko diogu eta horrek izan zuen eragin zuzen zuzenean: langile gehienak emakumezkoak izatearena.

Gaiaren hurbilketa egiterakoan erabilitako informazioa azpimarratzekoa da, hain zuzen, aztertu dira Udal artxiboan gordetzen diren eta kontsultagarri dauden hainbat enpresen artxiboak eta Udalak jasotako ahozko testigantzak.

Bergarako Udal Artxiboa herritarren memoria kolektiboa da eta historian zehar gertatu diren transformazioak islatzen ditu, dokumentu-ondarearen ezagutza eta zaintzaren bitartez. Gaur egun, artxibo baten helburua bere eskumeneko dokumentuak jasotzea eta modu antolatu eta seguruan gordetzea baino gehiago da; izan ere, artxibo batek herritarraren zerbitzura jarri behar du informazioa.

Mundua gizonaren ikuspuntutik irudikatu izan dugu askotan, emakumeen ekarpen sozial eta historikoak ikusezinak bihurtuz. Industrializazioa hasi zenetik gaur arte, emakumeek mota guztietako eginkizun, lanbide eta zereginak burutu dituzte. XIX. mende hasierarako, emakumeak Bergarako ehungintza-industriako langileriaren atal garrantzitsua ziren. Kotoia kardatu, irazkitu eta ehuntzea emakumeek bakarrik egiten zuten lanak baitziren.

1A Algodonera de San Antonio enpresan emakumea lanean
1A Algodonera de San Antonio enpresan emakumea lanean
Album gráfico descriptivo del País Vascongado, 1914-1915

2A Emakumeak ehuntegian lanean
2A Emakumeak ehuntegian lanean
Bergarako Udal artxiboa, Udal artxiboko bilduma, Dohaintza emailea: Mikel Gomez, R150088

3A Algodonera de San Antonio lantegiaren bista orokorra
3A Algodonera de San Antonio lantegiaren bista orokorra
Album gráfico descriptivo del País Vascongado, 1914-1915

4A Emakumea lanean Algodonera de San Antonio lantegian
4A Emakumea lanean Algodonera de San Antonio lantegian
Album gráfico descriptivo del País Vascongado, 1914-1915

 

Eranskinak: